Wie is Lise Swart

Ek het lank gesoek na ‘n groep sielkundiges wat my vrae oor sielkunde en menslike gedrag kan beantwoord. Deur my jare lange samewerking met Louis Awerbuck het ek Shickerling Awerbuck Inc. leer ken. Ek hou daarvan om met ‘n groep sielkundiges te werk, want verseker dat mens nie net een persoon se ervaring en opinie hoor nie, maar verskillende professionele mense. Wat bydrae daartoe om die beste advies te bied, maak nie saak wat die onderwerp is nie.

Soos Schickerling Awerbuck inc. groei kry ek, en Wie is ek? se luisteraars ook die geleentheid om meer advies op verskeie areas in te win.

Ek glo alles is in die lewe is ‘n proses. Of jy nou ‘n depressievegter is of deur ‘n egskeiding gaan. Niks gebeur vinnig nie – veral nie as mens dit wegwens nie. Baie keer is ons nie eens seker ons is besig met ‘n proses nie, so Wie is ek? probeer mense help om prosesse te identifiseer, probleme aan te spreek en hoe en hoekom dit soms regtig nodig is om vir hulp te vra. Om ‘n mens te wees kom nie met ‘n handleiding nie so elke geval is uniek, so as jy voel die advies wat ons gee is nie gepas tot jou situasie nie, moedig ons jou aan om jou storie met ons te deel. ‘n Professionele persoon sal dan daarna kyk en jou advies bied oor hoe om die situasie te hanteer. Skryf gerus vir ons via ‘n e-pos.